Home Conditions & Treatments Conditions ជំងឺមហារីកក្រពះ

Find a Doctor

Send an Inquiry

Book Appointment

ជំងឺមហារីកក្រពះ ចាប់ផ្តើមឡើងនៅពេលមានការផ្លាស់ប្តូរមួយដែលបង្ករឲ្យកោសិកាមហារីកធ្វើការរីកលូតលាស់ និងបែងចែកនៅក្នុងកម្រិតលឿនមួយ។ មហារីកអាចកើតឡើងនៅផ្នែកណាមួយនៃក្រពះ និងរាលដាលទៅសរីរាង្គផ្សេងទៀតដូចជា ថ្លើម លំពែង ពោះវៀន សួត ក្រពេញអូវែ និង ក្រពេញកូនកណ្តុរ ។

បច្ចុប្បន្ននេះ មូលហេតុពិតប្រាកដនៃជំងឺមហារីកក្រពះ មិនត្រូវបានគេស្គាល់នៅឡើយទេ។ ទោះជាយ៉ាងណាមានកត្តាមួយចំនួនដែលបង្កើនការប្រឈមនៃជំងឺមហារីកក្រពះរួមមាន៖

អាយុ៖ មនុស្សវ័យចំណាស់មានការប្រឈមខ្ពស់ក្នុងការវិវត្តទៅជាមហារីកក្រពះ។
ភេទ៖ ជំងឺមហារីកក្រពះគឺកើតមានអត្រាខ្ពស់ច្រើនជាងពីរដង ចំពោះបុរស។
ប្រវត្តិគ្រួសារ៖ អ្នកដែលមានប្រវត្តិគ្រួសារនៃជំងឺមហារីកក្រពះគឺមានការប្រឈមខ្ពស់។
ពូជសាសន៏៖ វាកើតឡើងញឹកញាប់នៅក្នុងតំបន់អាស៊ីជាងនៅអឺរ៉ុប និងសហរដ្ឋអាមេរិក។
អាហារ៖ អាហារត្រាំ រសជាតិប្រៃ និងចំអិនដោយផ្សែងខ្លោច អាចបង្កើនការប្រឈមនៃជំងឺមហារីកក្រពះ។ ផ្លែឈើ និងបន្លែគឺជួយកាត់បន្ថយការប្រឈមនៃជំងឺនេះ។
ការឆ្លងមេរោគ Helicobacter pylori : បាក់តេរីនេះបង្ករឲ្យមានការរលាក និងដំបៅក្រពះពោះវៀនដែលអាចបង្កើនការប្រឈមនៃជំងឺមហារីកក្រពះ។
ស្ថានភាពសុខភាពពីមុន៖ ការវះកាត់ក្រពះពីមុន ឬស្ថានភាពមួយចំនួនដូចជា ភាពស្លេកស្លាំងនិងរលាកក្រពះរ៉ាំរ៉ៃ បង្ករការប្រឈមខ្ពស់នៃការកើតមហារីកក្រពះ។
មុខរបរ៖ ការប៉ះពាល់ទៅនឹងសារធាតុគីមី និងធូលីដី គឺមានការពាក់ព័ន្ធជាវិជ្ជមានជាមួយជំងឺមហារីកក្រពះ។
របៀបរស់នៅ៖ គ្រឿងស្រវឹង ថ្នាំជក់ និងអាហារដែលខ្វះផ្លែឈើ និងបន្លែ វាបង្កើនការប្រឈមនៃជំងឺមហារីកក្រពះ។
ការធាត់៖ មានភស្តុតាងបង្ហាញថាបុរសដែលធាត់អាចមានការប្រឈមខ្ពស់នៃជំងឺមហារីកក្រពះ។ ទោះជាយ៉ាងណា មិនមានការជាប់ទាក់ទងគ្នារវាងការធាត់ និងជំងឺមហារីកក្រពះចំពោះស្ត្រីនោះទេ។

ជាធម្មតា មិនមានរោគសញ្ញាណាមួយគួរឲ្យកត់សម្គាល់ក្នុងអំឡុងពេលដំណាក់កាលដំបូងនៃមហារីកក្រពះទេ។ ទោះជាយ៉ាងណា រោគសញ្ញានៅក្នុងដំណាក់កាលធ្ងន់ធ្ងរគឺស្រដៀងគ្នាទៅនឹង អ្នកជំងឺផ្សេងទៀតដូចជាជំងឺដំបៅក្រពះពោះវៀន និងរលាកក្រពះពោះវៀនដោយសារវ៉ីរុស។
នៅក្នុងដំណាក់កាលធ្ងន់ធ្ងរ រោគសញ្ញាអាចមានដូចជា៖

មិនសុខស្រួលក្នុងពោះ ជាពិសេសនៅផ្នែកខាងលើ និងកណ្តាលនៃពោះ
មានឈាមក្នុងលាមក
ក្អួត ដែលអាចមានលាយឈាម
ស្រកទម្ងន់ដោយគ្មានមូលហេតុ
ឈឺពោះ ឬហើមពោះបន្ទាប់ពីការបរិភោគអាហារ
អស់កម្លាំង

ជាទូទៅ ប្រសិនបើអ្នកជួបអាការរោគណាមួយដូចខាងក្រោមនេះ អ្នកគួរតែពិគ្រោះជាមួយវេជ្ជបណ្ឌិតភ្លាម៖

មិនសុខស្រួលក្នុងពោះ ឬពិបាករំលាយអាហារ
ហើមពោះបន្ទាប់ពីការបរិភោគអាហារ
ចង្អោរចង់ក្អួត
ការបាត់បង់ចំណង់អាហារ
ឈឺផ្សាចុងដង្ហើម

គ្រូពេទ្យនឹងពិនិត្យមើលពីប្រវត្តិរបស់អ្នកជំងឺ និងធ្វើការពិនិត្យរាងកាយ
អ្នកជំងឺនឹងត្រូវបានផ្តល់ឲ្យនូវល្បាយទឹកថ្នាំBariumនិងទឹកដើម្បីផឹក។ ទឹកថ្នាំនេះ នឹងពាសបណ្តោះអាសន្នលើបំពង់អាហារ ក្រពះនិងពោះវៀនតូច។ បន្ទាប់មកធ្វើការថតកាំរស្មី X ដែលអាចបង្ហាញរូបភាពដុំសាច់ ឬភាពមិនប្រក្រតីផ្សេងៗណាមួយ។

ការថតឆ្លុះក្រពះពោះវៀនផ្នែកខាងលើ គឺជាទំរង់ការដែលអនុញ្ញាតឲ្យគ្រូពេទ្យពិនិត្យឃើញនូវភ្នាសខាងក្នុងរបស់ក្រពះ និងអាចច្រឹបយកជាលិកាមិនធម្មតា សម្រាប់ធ្វើការពិនិត្យបន្ថែមទៀត។
ការឆ្លុះក្រពះពោះវៀនដោយប្រើរលកសំលេងអ៊ុលត្រាសោន អាចជួយវេជ្ជបណ្ឌិតក្នុងការវាយតម្លៃថាតើ ជម្ងឺមហារីកក្រពះមានការវិវឌ្ឈន៍ និងរីករាលដាលទៅសរីរាង្គនៅក្បែរនោះឬទេ។
ការថតសួត ត្រូវបានប្រើប្រាស់ដើម្បីរកឃើញនូវភាពមិនប្រក្រតីណាមួយនៅក្នុងសួត និងពិនិត្យមើលថាតើជម្ងឺមហារីកបានរីករាលដាលទៅកាន់សួតដែរឬទេ។
ការថតស៊ីធីស្កេន (CT) បង្កើតនូវរូបភាព 3D នៃសរីរាង្គខាងក្នុង និងអាចឲ្យគ្រូពេទ្យបានសង្កេតមើលទីតាំង និងការរីករាលដាលនៃជំងឺនេះបានជាក់ច្បាស់ជាងពីកាំរស្មីអ៊ិចស្តង់ដារ។

ការព្យាបាលនៃជំងឺមហារីកក្រពះពាក់ព័ន្ធនឹងការសហការគ្នារវាងក្រុមអ្នកជំនាញវេជ្ជសាស្រ្តដែលមកពីផ្នែកផ្សេងៗជាច្រើនដូចជា គ្រូពេទ្យវះកាត់ វេជ្ជបណ្ឌិតជំនាញផ្នែកកាំរស្មី និងជំងឺមហារីក ដែលនឹងរួមគ្នាក្នុងការរៀបចំផែនការព្យាបាលសមស្របបំផុតសម្រាប់អ្នកជំងឺនីមួយៗ។ ជម្រើសនៃការព្យាបាលអាស្រ័យទៅលើ៖

ទំហំ ទីតាំង និងរូបរាងនៃកោសិកាមហារីក
ដំណាក់កាល និងការរីករាលដាលនៃជម្ងឺមហារីក
សុខភាពទូទៅរបស់អ្នកជម្ងឺ

ការវះកាត់
ការព្យាបាលដោយថ្នាំគីមី
ការព្យាបាលដោយកាំរស្មី

Created When: ធ្នូ 28, 2020

Last modify: ធ្នូ 28, 2020

Bumrungrad Hospital

Related Treatments

Doctors Related

Related Centers

Related Packages

CALL FOR APPOINTMENT

SEND AN INQUIRY

BOOK APPOINTMENT

Rating score 7.20 of 10, based on 10 vote(s)

Related Packages

Related Health Blogs