ក្រុមអាយុ	អត្រាលូតលាស់ក្នុង១ឆ្នាំ
ទារកទើបកើត- ១ឆ្នាំ ១– ២ឆ្នាំ	២៥ សម/ឆ្នាំ ១០ សម/ឆ្នាំ
២-៤ឆ្នាំ	៥.៥- ៩សម/ឆ្នាំ
៤-៦ ឆ្នាំ	៥ – ៨.៥សម / ឆ្នាំ
៦ឆ្នាំ ដល់ ពេញវ័យ - ក្មេងស្រី                   ក្មេងប្រុស	៤.៥-៦.៥ សម / ឆ្នាំ ៤ -៦ សម/ឆ្នាំ
វ័យជំទង់– វ័យកំពុងលូតលាស់	៨- ១៤ សម / ឆ្នាំ

បើសិនជាឪពុកម្តាយកត់សម្គាល់ឃើញថាកូនរបស់ពួកគេមានរូបរាងតូច ឬទាបខុសប្រក្រតី​ ការលូតលាស់យឺត ឬមានការកើនឡើងនៃកម្ពស់ជាមធ្យមក្នុងមួយឆ្នាំទាបជាងកម្ពស់មធ្យមស្ដង់ដារ គឺត្រូវបានផ្ដល់អនុសាសន៍ដល់ពួកគេយកកូនទៅជួបវេជ្ជបណ្ឌិត។

វេជ្ជបណ្ឌិតនឹងពិនិត្យមើលទៅលើទម្លាប់ប្រចាំថ្ងៃរបស់កុមារ និងទម្លាប់នៃការបរិភោគអាហារដើម្បីកំណត់ពីមូលហេតុដែលអាចធ្វើឲ្យមានការលូតលាស់យឺត។ នៅពេលដែលមូលហេតុត្រូវបានកំណត់ វេជ្ជបណ្ឌិតនឹងផ្តល់នូវដំបូន្មានដូចខាងក្រោម៖

• ផ្តល់អាហាររូបត្ថម្ភត្រឹមត្រូវដល់កុមារ ដូច្នេះឪពុកម្តាយអាចជំរុញ និងលើកទឹកចិត្ដកូនរបស់ពួកគេបរិភោគអាហារសម្បូរជីវជាតិ ដែលមានសារៈសំខាន់ចាំបាច់ដល់ការលូតលាស់ និងក្នុងបរិមាណគ្រប់គ្រាន់។
• បែងចែកពេលវេលាសមរម្យសម្រាប់ទម្លាប់រស់នៅប្រចាំថ្ងៃរបស់កុមារ៖

១. ម៉ោងគ្រប់គ្រាន់សម្រាប់កុមារគេងជារៀងរាល់ថ្ងៃដែលធ្វើឱ្យមានតុល្យភាពអ័រម៉ូននិងជំរុញការលូតលាស់
២. ពេលវេលាគ្រប់គ្រាន់សម្រាប់ការធ្វើលំហាត់ប្រាណដើម្បីលើកកម្ពស់ការលូតលាស់ និងមានសុខភាពល្អ

• ផ្តល់ការថែទាំកុមារដោយក្ដីស្រឡាញ់ និងការអត់អោន គឺជាមូលដ្ឋានក្នុងការលើកកម្ពស់សុខភាពផ្លូវចិត្តល្អនិងការអភិវឌ្ឍន៍។

នាពេលបច្ចុប្បន្ននេះ ការព្យាបាលដោយប្រើអ័រម៉ូនលូតលាស់រួមមានដូចខាងក្រោម:

• ការចាក់អរម៉ូនលូតលាស់ (Growth hormone)

មិនមានការព្យាបាលដោយអ័រម៉ូនលូតលាស់ដោយប្រើមធ្យោបាយតាមមាត់នោះទេ ដោយសារប្រូតេអ៊ីនត្រូវបានខូចខាតក្នុងផ្លូវរំលាយអាហារដែលធ្វើឱ្យការព្យាបាលគ្មាន  ប្រសិទ្ធភាព។