រក្សាតុល្យភាពអ័រម៉ូន៖ ការថែទាំសំខាន់សម្រាប់មាតា

ការ​មាន​ផ្ទៃពោះ​គឺ​ជា​បទពិសោធន៍​ប្លែក​មួយ​និង​ផ្លាស់ប្តូរ​ជីវិត​សម្រាប់​ស្ត្រី​គ្រប់រូប។ ទោះបីជាយ៉ាងណាក៏ដោយ វាក៏នាំមកនូវការផ្លាស់ប្តូរយ៉ាងសំខាន់ចំពោះតុល្យភាពអ័រម៉ូនរបស់រាង្គកាយ ដែលប៉ះពាល់ដល់ប្រព័ន្ធផ្សេងៗ រួមទាំងប្រព័ន្ធអង់ដូគ្រីនផងដែរ។ ការគ្រប់គ្រងការផ្លាស់ប្តូរទាំងនេះមានសារៈសំខាន់ណាស់សម្រាប់ការធានាឱ្យមានគភ៌ដែលមានសុខភាពល្អសម្រាប់ស្ត្រីជាច្រើន ដោយចូលរួមជាមួយក្រុមថែទាំឯកទេសដើម្បីតាមដាន និងដោះស្រាយរាល់កង្វល់ដែលទាក់ទងនឹងមុខងារក្រពេញទីរ៉ូអ៊ីត ជំងឺទឹកនោមផ្អែម ឬលក្ខខណ្ឌដែលទាក់ទងនឹងអរម៉ូនផ្សេងទៀត។

នៅមន្ទីរពេទ្យអន្តរជាតិបាំរុងរ៉ាដ ក្រុមការងារអន្តរកម្មសិក្សារបស់យើងសហការគ្នាដើម្បីផ្តល់ការថែទាំយ៉ាងទូលំទូលាយដល់ម្តាយដែលរំពឹងទុក ឬមានគំរោង ចាប់ពីគ្រូពេទ្យសម្ភពរហូតដល់គ្រូពេទ្យឯកទេសប្រព័ន្ធអង់ដូគ្រីនដោយធានាថាលក្ខខណ្ឌដែលទាក់ទងនឹងប្រព័ន្ធអង់ដូគ្រីន ត្រូវបានគ្រប់គ្រងយ៉ាងល្អដើម្បីទទួលបានលទ្ធផលប្រសើរបំផុត។

 
ប្រព័ន្ធអង់ដូគ្រីននៃអំឡុងពេលមានផ្ទៃពោះ

ការផ្លាស់ប្តូរអ័រម៉ូនអំឡុងពេលមានផ្ទៃពោះអាចធ្វើឲ្យកាន់តែធ្ងន់ធ្ងរ ឬបិទបាំងជំងឺប្រព័ន្ធអង់ដូគ្រីន មួយចំនួន។ បញ្ហាអង់ដូគ្រីនទូទៅដែលអាចកើតឡើងរួមមានៈ

Gestational Diabetes Mellitus (GDM)៖ ជំងឺទឹកនោមផ្អែមមួយប្រភេទដែលវិវឌ្ឍន៍អំឡុងពេលមានផ្ទៃពោះ។ ជំងឺទឹកនោមផ្អែមពេលមានគភ៌អាចប៉ះពាល់ដល់ទាំងមាតានិង​ទារក។ កម្រិតជាតិស្ករក្នុងឈាមដែលមិនអាចគ្រប់គ្រងបានបង្កើនហានិភ័យនៃផលវិបាកដល់ការសម្រាលដូចជា ការសម្រាលមិនគ្រប់ខែ ទម្ងន់កំណើតធំ ។ ជាមួយនឹងការណែនាំពីអ្នកជំនាញខាងប្រព័ន្ធអង់ដូគ្រីនដែលមានបទពិសោធន៍ ហានិភ័យនៃការវិវត្តនៃផលវិបាកពីជំងឺទឹកនោមផ្អែមអំឡុងពេលមានផ្ទៃពោះអាចត្រូវបានកាត់បន្ថយយ៉ាងខ្លាំង។

ជំងឺក្រពេញទីរ៉ូអ៊ីត៖ ជំងឺលើសអ័រម៉ូនក្រពេញទីរ៉ូអ៊ីត (Hyperthyroidism) និង ជំងឺកង្វះអ័រម៉ូនក្រពេញទីរ៉ូអ៊ីត (Hypothyroidism) អាចកើតឡើងអំឡុងពេលមានផ្ទៃពោះ ដែលប៉ះពាល់ដល់សុខភាពមាតា និងទារក។ ជំងឺលើសអ័រម៉ូនក្រពេញទីរ៉ូអ៊ីត (ក្រពេញទីរ៉ូអ៊ីតសកម្ម) អាចនាំឱ្យកើតជំងឺក្រឡាភ្លើង(ព្រាយក្រឡាភ្លើង) ឬជំងឺខ្សោយបេះដូង ខណៈដែលជំងឺកង្វះអ័រម៉ូនក្រពេញទីរ៉ូអ៊ីត (ក្រពេញទីរ៉ូអ៊ីតមិនដំណើរការសកម្ម) អាចបង្កើនហានិភ័យនៃការរលូតកូន ឬការពន្យាពេលនៃការលូតលាស់របស់ទារក។ 

ការត្រួត​ពិនិត្យ​ទាន់​ពេលវេលា និង​ការ​ព្យាបាល​ដែល​សមស្រប​អាច​ការពារ​លទ្ធផល​ជា​មុន​​ចំពោះសុខភាពមាតានិង​ទារក។


ហានិភ័យចំពោះមាតានិងទារក

ជំងឺនៃប្រព័ន្ធអង់ដូគ្រីនអំឡុងពេលមានផ្ទៃពោះអាចបង្កើនហានិភ័យសម្រាប់ទាំងម្តាយ និងទារក៖

សម្រាប់ម្តាយ៖ ជំងឺទឹកនោមផ្អែមអំឡុងពេលមានផ្ទៃពោះឬជំងឺក្រពេញទីរ៉ូអ៊ីតដែលគ្រប់គ្រងមិនបានល្អ អាចបណ្តាលឱ្យមានសម្ពាធឈាមខ្ពស់ ជំងឺក្រឡាភ្លើង ឬមានផលវិបាកសម្រាប់ការសម្រាលកូន។ ជាពិសេសជំងឺទឹកនោមផ្អែមដែលមានស្រាប់ ទាមទារការគ្រប់គ្រងជាតិស្ករក្នុងឈាមយ៉ាងតឹងរ៉ឹង ដើម្បីជៀសវាងផលវិបាកដែលអាចគំរាមកំហែងដល់អាយុជីវិត។

សម្រាប់ទារក៖ ទារករបស់ម្តាយដែលមានជំងឺទឹកនោមផ្អែមអំឡុងពេលមានផ្ទៃពោះឬបញ្ហាក្រពេញទីរ៉ូអ៊ីត ដែលមិនអាចគ្រប់គ្រងបានអាចប្រឈមនឹងការពន្យាពេលនៃការអភិវឌ្ឍន៍របស់ទារក ទម្ងន់គភ៌ខុសប្រក្រតី ឬការថយចុះជាតិស្ករក្នុងឈាមក្រោយពេលសម្រាល។ ក្នុងករណីខ្លះ ការកើតមិនគ្រប់ខែមានតម្រូវការកម្រិតខ្ពស់សម្រាប់ការថែទាំទារកទើបនឹងកើតនៅផ្នែកប្រពោធនកម្ម។

នេះជាមូលហេតុដែលការត្រួតពិនិត្យទាន់ពេលវេលា និងការធ្វើអន្តរាគមន៍ថែទាំគឺមានសារៈសំខាន់។ ឧបករណ៍វិនិច្ឆ័យទំនើបបំផុតរបស់និងក្រុមថែទាំមន្ទីរពេទ្យអន្តរជាតិបាំរុងរ៉ាដ សម្របសម្រួលធ្វើការដើម្បីតាមដាន និងគ្រប់គ្រងស្ថានភាពនៃប្រព័ន្ធអង់ដូគ្រីន ដើម្បីធានាឱ្យមានផ្ទៃពោះដោយរលូន និងមានសុវត្ថិភាពសម្រាប់ទាំងមាតា និងទារក។


សារៈសំខាន់នៃវិធីសាស្រ្តពហុវិជ្ជា

ការគ្រប់គ្រងជំងឺប្រព័ន្ធអង់ដូគ្រីនអំឡុងពេលមានផ្ទៃពោះ ដូចជាជំងឺទឹកនោមផ្អែម ឬជំងឺក្រពេញទីរ៉ូអ៊ីត តម្រូវឱ្យមានកិច្ចខិតខំប្រឹងប្រែងថែទាំសម្របសម្រួលពីអ្នកឯកទេសជាច្រើន។ ក្រុមអន្តរាគមន៍របស់ មន្ទីរពេទ្យអន្តរជាតិបាំរុងរ៉ាដ - រួមទាំងគ្រូពេទ្យសម្ភព គ្រូពេទ្យឯកទេសប្រព័ន្ធអង់ដូគ្រីន គ្រូពេទ្យឯកទេសអាហារូបត្ថម្ភ និងគ្រូពេទ្យកុមារ - ធ្វើការរួមគ្នាដើម្បីផ្តល់ផែនការថែទាំផ្ទាល់ខ្លួនដែលស្របតាមប្រវត្តិ និងតម្រូវការសុខភាពរបស់ម្តាយនីមួយៗ។ ក្រុមថែទាំធានានូវការត្រួតពិនិត្យយ៉ាងលម្អិត និងទាន់ពេលវេលា ដូចជាការកែតម្រូវថ្នាំ ឬណែនាំការផ្លាស់ប្តូររបបអាហារដើម្បីការពារផលវិបាកនានា។ តាមរយៈវិធីសាស្រ្តសហការនេះមន្ទីរពេទ្យអន្តរជាតិបាំរុងរ៉ាដ ផ្តល់នូវការគាំទ្រយ៉ាងទូលំទូលាយ ដើម្បីកែលម្អលទ្ធផលសុខភាពសម្រាប់ទាំងមាតា និងទារក។


អត្ថប្រយោជន៍នៃការថែទាំរយៈពេលវែង

តាមរយៈការគ្រប់គ្រងសុខភាពប្រព័ន្ធអង់ដូគ្រីនអំឡុងពេលមានផ្ទៃពោះ អាចកាត់បន្ថយហានិភ័យនៃផលវិបាករយៈពេលវែងសម្រាប់មាតា និងទារក។ ជាឧទាហរណ៍ ជំងឺទឹកនោមផ្អែមអំឡុងពេលមានផ្ទៃពោះអាចបង្កើនហានិភ័យនៃការវិវត្តទៅជាជំងឺទឹកនោមផ្អែមប្រភេទទី 2 នៅពេលក្រោយ ប៉ុន្តែជាមួយនឹងការថែទាំត្រឹមត្រូវ ហានិភ័យនេះអាចត្រូវបានកាត់បន្ថយ។ ក្រុមការងារពហុជំនាញរបស់ មន្ទីរពេទ្យអន្តរជាតិបាំរុងរ៉ាដ មិនត្រឹមតែផ្តល់ការគាំទ្រអំឡុងពេលមានផ្ទៃពោះប៉ុណ្ណោះទេ ប៉ុន្តែថែមទាំងតាមដានក្រោយពេលសម្រាល ដើម្បីធានាបាននូវសុខភាពបន្តសម្រាប់ម្តាយផងដែរ។


ការថែទាំកម្រិតខ្ពស់ គ្រប់ជំហាននៃដំំណើរ

នៅមន្ទីរពេទ្យអន្តរជាតិបាំរុងរ៉ាដ ម្តាយដែលមានផ្ទៃពោះទទួលបានអត្ថប្រយោជន៍ពីវិធីសាស្រ្តសហការក្នុងការថែទាំ។ ក្រុមគ្រូពេទ្យសម្ភព គ្រូពេទ្យឯកទេសខាងប្រព័ន្ធអង់ដូគ្រីន និងគ្រូពេទ្យកុមាររបស់យើង មានការប្តេជ្ញាចិត្តក្នុងការធានាឱ្យមានសុវត្ថិភាពនៃការមានផ្ទៃពោះ និងការសម្រាល ដោយមិនគិតពីលក្ខខណ្ឌដែលមានមុន ឬប្រវត្តិនៃគភ៌។ ជាមួយនឹងបរិក្ខារទំនើបៗ ផែនការថែទាំផ្ទាល់ខ្លួន និងការប្តេជ្ញាចិត្តចំពោះស្តង់ដារសុវត្ថិភាពខ្ពស់បំផុត មន្ទីរពេទ្យអន្តរជាតិបាំរុងរ៉ាដគឺជាជម្រើសដ៏ល្អបំផុតសម្រាប់ការគ្រប់គ្រងសុខភាពប្រព័ន្ធអង់ដូគ្រីនអំឡុងពេលមានផ្ទៃពោះ។

ជឿទុកចិត្តលើក្រុមអ្នកជំនាញរបស់យើង ដើម្បីណែនាំអ្នកគ្រប់ជំហាននៃដំណើរមានផ្ទៃពោះរបស់អ្នក ដោយធានាថាអ្នក និងកូនរបស់អ្នកទទួលបានការថែទាំដែលអ្នកសមនឹងទទួលបាន។ មិនថាជាការគ្រប់គ្រងជំងឺទឹកនោមផ្អែមពេលមានគភ៌ ការត្រួតពិនិត្យមុខងារក្រពេញទីរ៉ូអ៊ីត ឬដោះស្រាយបញ្ហាប្រព័ន្ធអង់ដូគ្រីនផ្សេងទៀត មន្ទីរពេទ្យអន្តរជាតិបាំរុងរ៉ាដគឺនៅទីនេះដើម្បីផ្តល់ការថែទាំកម្រិតខ្ពស់
បំផុត។

ចាប់ផ្តើមដំណើរមានផ្ទៃពោះដោយភាពជឿជាក់។ ក្រុមការងារអន្តរកម្មជំនាញរបស់មន្ទីរពេទ្យអន្តរជាតិបាំរុងរ៉ាដនៅទីនេះដើម្បីជួយដល់សុខភាព និងការលូតលាស់របស់កូនអ្នក គ្រប់ជំហាន។