ទម្រង់ការនេះចំណាយពេលប្រហែលជា៨ម៉ោងហើយអ្នកជំងឺនៅតែបន្តធ្វើសកម្មភាពធម្មតា។​ការឆ្លុះពោះវៀនតូចដោយប្រើកាមេរ៉ា អាចរកឃើញភាពមិនប្រក្រតីនៅក្នុងពោះវៀនតូចដែលមានប្រវែងយ៉ាងវែង ដែលមិនអាចលូកចូលដល់បានដោយប្រដាប់ឆ្លុះក្រពះ។ ការឆ្លុះពោះវៀនតូចដោយប្រើកាមេរ៉ា បានផ្តល់ឲ្យនូវរោគវិនិច្ឆ័យត្រឹមត្រូវ ហើយអ្នកជំងឺគ្មានការឈឺចាប់។ បន្ទាប់មក គ្រាប់មូលតូចបានបញ្ចេញចោលតាមលាមកមកក្រៅ។ ទម្រង់ការនេះត្រូវបានណែនាំឲ្យធ្វើសម្រាប់ករណីដែលមិនដឹងច្បាស់លាស់ពីមូលហេតុរបស់ជំងឺកង្វះឈាមក្រហម រាករ៉ាំរ៉ៃ ឈឺក្រពះដែលមិនអាចពន្យល់បាន និងសង្ស័យថាមានដុំសាច់មហារីកនៅក្នុងពោះវៀន។