Home Conditions & Treatments Treatments មន្ទីរពិសោធន៍ការសិក្សារចរន្តអគ្គីសនីបេះដូង (Cardiac Electrophysiology Lab)

មន្ទីរពិសោធន៍ការសិក្សារចរន្តអគ្គីសនីបេះដូង (EP Lab) នៅមន្ទីរពេទ្យអន្តរជាតិបំរុងរ៉ាដផ្តល់នូវការធ្វើរោគវិនិច្ឆ័យ និងការព្យាបាលជំងឺចង្វាក់បេះដូងមិនប្រក្រតី ឬភាពមិនប្រក្រតីនៃប្រព័ន្ធអគ្គិសនីរបស់បេះដូង។ ប្រតិបត្តិការដោយក្រុមអ្នកជំនាញផ្នែកអេឡិចត្រូសរីរវិទ្យាបេះដូង មន្ទីរពិសោធន៍ការសិក្សារចរន្តអគ្គីសនីបេះដូង នេះត្រូវបានបំពាក់ដោយឧបករណ៍វេជ្ជសាស្រ្តទំនើបៗនិងបច្ចេកវិទ្យាចុងក្រោយបំផុត។ ដើម្បីកំណត់មូលហេតុ និងព្យាបាលភាពមិនប្រក្រតីនៃប្រព័ន្ធអគ្គិសនីបេះដូង មន្ទីរពិសោធន៍បានដាក់ឲ្យប្រើប្រាស់ប្រព័ន្ធ CARTO ។ ការរីកចម្រើនផ្នែកបច្ចេកវិទ្យាថ្មីនេះបង្កើតនូវរូបភាពស្រមោលនៃភាពមិនប្រក្រតីទាំងនោះ ដែលជួយឲ្យការធ្វើរោគវិនិច្ឆ័យមានភាពច្បាស់លាស់ បង្កើនប្រសិទ្ធភាពក្នុងការព្យាបាល និងកាត់បន្ថយផលវិបាកឲ្យនៅកម្រិតតិចតួចសម្រាប់អ្នកជំងឺ។

ការសិក្សារចរន្តអគ្គីសនីបេះដូងគឺជាទម្រង់ការមួយដែលគេអនុវត្តដើម្បីពិនិត្យសញ្ញាអគ្គិសនីនិងផ្លូវអគ្គិសនីរបស់បេះដូង។ វាត្រូវបានគេប្រើដើម្បីស៊ើបអង្កេតរកមូលហេតុ និងទីតាំងនៃសកម្មភាពអគ្គិសនីដែលមិនប្រក្រតី ដែលនាំឲ្យចង្វាក់បេះដូងលោតមិនទៀងទាត់។ លទ្ធផលនៃការសិក្សារចរន្តអគ្គីសនីបេះដូងត្រូវបានបង្ហាញជារូបភាពក្រាហ្វិក ៣D ដែលជួយសម្រួលឲ្យការធ្វើរោគវិនិច្ឆ័យមានភាពច្បាស់លាស់ និងអាចឲ្យវេជ្ជបណ្ឌិតធ្វើការជ្រើសរើសការព្យាបាលដែលត្រឹមត្រូវ។ បន្ទាប់ពីបានបញ្ចប់ការសិក្សារោគវិនិច្ឆ័យនេះ វេជ្ជបណ្ឌិតក៏អាចផ្តល់ការព្យាបាលភ្លាមៗ ដោយការប្រើរលកហ្វ្រេកង់វិទ្យុក្នុងអំឡុងពេលតែមួយផងដែរ។

ហ្វ្រេកង់វិទ្យុថាមពលខ្ពស់ត្រូវបានគេប្រើប្រាស់ដើម្បីកម្ចាត់ភាពមិនប្រក្រតី ដែលជាមូលហេតុនាំឲ្យចង្វាក់បេះដូងលោតមិនទៀងទាត់។ គោលបំណងនេះអាចឲ្យសម្រេចបានតាមរយៈការបញ្ចូលបំពង់កាតេទែរទៅក្នុងបេះដូង ដើម្បីអាចបញ្ជូនរលកហ្វ្រេកង់វិទ្យុជាមួយនឹងភាពជាក់លាក់ខ្ពស់ទៅកាន់កន្លែងដែលកើតមានសកម្មភាពអគ្គិសនីមិនប្រក្រតីនោះ។

Radiofrequency Ablation with the CARTO system គឺជាបច្ចេកទេសព្យាបាលមួយដែលប្រើផែនទី ៣D ជាក់ស្តែងដើម្បីកំណត់ទីតាំង និងកម្ចាត់សកម្មភាពអគ្គិសនីមិនប្រក្រតី។ បំពង់កាតេទែរ និងរលកហ្វ្រេកង់វិទ្យុត្រូវបានគេប្រើប្រាស់ដើម្បីបំផ្លាញផ្លូវដែលបណ្តាលឲ្យចង្វាក់បេះដូងមិនប្រក្រតី។ បច្ចេកទេសនេះមានប្រសិទ្ធភាពខ្ពស់ក្នុងការព្យាបាលសកម្មភាពអគ្គិសនីដែលខុសប្រក្រតីជាច្រើន រួមមានដូចជា ៖

ចង្វាក់បេះដូងលោតញាប់នៃថតបេះដូងខាងលើ (atrial tachycardia)
ចង្វាក់បេះដូងញ័រនៃថតបេះដូងខាងលើ (Atrial Fibrillation)
ចង្វាក់បេះដូងលោតលឿននៃថតបេះដូងខាងក្រោម (ventricular tachycardia)
ចង្វាក់បេះដូងលោតលឿននៅផ្នែកខាងលើនៃថតបេះដូងខាងក្រោម (supraventricular tachycardia)

ឧបករណ៍សម្រួលចង្វាក់បេះដូង (Pacemaker) គឺជាឧបករណ៍អេឡិចត្រូនិកតូចមួយដែលគេប្រើដើម្បីជួយគ្រប់គ្រងចង្វាក់បេះដូង។ ឧបករណ៍សម្រួលចង្វាក់បេះដូងត្រូវបានគេដាក់នៅក្រោមស្បែកនៅជិតឆ្អឹងដងកាំបិតជាមួយនឹងខ្សែដែលលាតសន្ធឹងពីឧបករណ៍ទៅកាន់បេះដូង។ ខ្សែនេះអនុញ្ញាតឲ្យឧបករណ៍ធ្វើការត្រួតពិនិត្យ និងបង្កើនចង្វាក់បេះដូង។ វាត្រូវបានប្រើប្រាស់ដើម្បីព្យាបាលចង្វាក់បេះដូងយឺត។
ឧបករណ៍ឆក់សម្រួលចង្វាក់បេះដូង (Implantable Cardioverter Defibrillator) គឺជាឧបករណ៍មួយដែលមានភាពស្រដៀងគ្នាទៅនឹងឧបករណ៍សម្រួលចង្វាក់បេះដូងខាងលើផងដែរ។ ឧបករណ៍ ICD ត្រូវបានដាក់នៅក្រោមស្បែកជាមួយនឹងខ្សែដែលលាតសន្ធឹងពីឧបករណ៍ទៅកាន់បេះដូង។ ប្រសិនបើឧបករណ៍នេះរកឃើញចង្វាក់បេះដូងដែលយឺតពេក វានឹងឆក់រំញោចសម្រួលចង្វាក់បេះដូងឲ្យប្រសើរឡើង។ នៅពេលដែលបេះដូងលោតលឿនពេក ហើយជីវិតអ្នកជំងឺរងការគំរាមកំហែង ឧបករណ៍ ICD នេះនឹងសម្រួលចង្វាក់បេះដូងឲ្យធម្មតាឡើងវិញដើម្បីជួយសង្គ្រោះជីវិតអ្នកជំងឺ។
ការព្យាបាលសមកាលកម្មបេះដូងឡើងវិញ (Cardiac Resynchronization Therapy) មានភាពស្រដៀងគ្នាទៅនឹងការវះកាត់ដាក់ឧបករណ៍សម្រួលចង្វាក់បេះដូង ឬឧបករណ៍ ICD ផងដែរ។ ឧបករណ៍សមកាលកម្មបេះដូងឡើងវិញ ត្រូវបានគេដាក់នៅក្រោមស្បែកដើម្បីព្យាបាលជំងឺខ្សោយបេះដូងរ៉ាំរ៉ៃនៅពេលដែលការព្យាបាលដោយថ្នាំបានបង្ហាញថាមិនមានប្រសិទ្ធភាព។ ឧបករណ៍ដែលដាក់បញ្ចូលក្រោមស្បែកនេះអាចជួយឲ្យសាច់ដុំបេះដូងដំណើរការជាប្រក្រតីត្រឹមត្រូវ។

មន្ទីរពិសោធន៍ការសិក្សារចរន្តអគ្គីសនីបេះដូង នៅមន្ទីរពេទ្យអន្តរជាតិបំរុងរ៉ាដ ត្រូវបានបំពាក់ដោយឧបករណ៍វេជ្ជសាស្រ្តទំនើបៗនិងបច្ចេកវិទ្យាចុងក្រោយបំផុតសម្រាប់ធ្វើរោគវិនិច្ឆ័យ និងព្យាបាលជំងឺចង្វាក់បេះដូងមិនប្រក្រតី (ចង្វាក់បេះដូងដើរមិនស្មើ) រួមទាំងឧបករណ៍ដូចខាងក្រោម:

ប្រព័ន្ធ CARTO គឺជាបច្ចេកវិទ្យាប្រើប្រាស់កុំព្យូទ័រដែលបង្កើតរូបភាព ៣D នៃរចនាសម្ព័ន្ធបេះដូង និងសញ្ញាអគ្គិសនីបេះដូង។ តំបន់ត្រូវបានកំណត់សម្គាល់តាមពណ៌ដោយផ្អែកទៅលើតុងស្យុងអេឡិចត្រូក្រាម។ តាមរយៈការបង្កើតរូបភាពជាក់លាក់ផ្សេងៗ ប្រព័ន្ធអនុញ្ញាតឲ្យវេជ្ជបណ្ឌិតធ្វើការកំណត់ទីតាំងជាក់លាក់នៃភាពមិនប្រក្រតី និងជ្រើសរើសវិធីព្យាបាលដែលសមស្របបំផុត។ តាមរយៈការប្រើប្រាស់ប្រព័ន្ធ CARTO វេជ្ជបណ្ឌិតអាចផ្តល់នូវការព្យាបាលដែលមានប្រសិទ្ធភាពខ្ពស់ដោយប្រើប្រាស់រលកហ្វ្រេកង់វិទ្យុនៅត្រង់ទីតាំងច្បាស់លាស់នៃបេះដូង ដែលជាកន្លែងកើតមានភាពមិនប្រក្រតី។ ប្រព័ន្ធ CARTO ត្រូវបានប្រើប្រាស់អមជាមួយនឹងសម្ភារបរិក្ខារវេជ្ជសាស្រ្តដូចខាងក្រោម៖
- CARTOSOUND គឺជាប្រព័ន្ធរូបភាពអេកូដែលប្រើប្រាស់សូហ្វវែរដើម្បីបង្កើតរូបភាពក្រាហ្វិក ៣D ។ ប្រព័ន្ធ Cartosound បង្កើនសមត្ថភាពរបស់វេជ្ជបណ្ឌិតក្នុងការពិនិត្យមើលរចនាសម្ព័ន្ធបេះដូង និងកំណត់ទីតាំងនៃភាពមិនប្រក្រតីនានា។
- ការថតកាំរស្មីអ៊ិចដោយកុំព្យូទ័រ
- ប្រព័ន្ធប្រតិបត្តិការផែនទីដែលប្រតិបត្តិការផ្អែកលើគោលការណ៍ស្រដៀងគ្នាទៅនឹងប្រព័ន្ធ GPS ដែរនោះ ជួយជំរុញឲ្យការធ្វើរោគវិនិច្ឆ័យ និងការព្យាបាលមានភាពត្រឹមត្រូវច្បាស់លាស់។
- កម្មវិធីសូហ្វវែរជាច្រើនផ្សេងទៀតដូចជា កម្មវិធី CFAEs (ការថតបេះដូងដោយចរន្តអគ្គិសនីតាមផ្នែកដែលមានភាពស្មុគ្រស្មាញ) គឺអាចឲ្យប្រើប្រាស់បានសម្រាប់បង្កើតរូបភាពកាន់តែជាក់លាក់បន្ថែមទៀតដោយផ្អែកទៅតាមប្រភេទផ្សេងៗនៃភាពមិនប្រក្រតីដែលអ្នកជំងឺម្នាក់ៗជួបប្រទះ។

ក្នុងអំឡុងពេលធ្វើរោគវិនិច្ឆ័យ ឬព្យាបាល ប្រព័ន្ធ CARTO បង្កើតផែនទី ៣D ច្បាស់ដែលអនុញ្ញាតឲ្យវេជ្ជបណ្ឌិតផ្តល់ការព្យាបាលនៅត្រង់ទីតាំងជាក់លាក់នៃភាពមិនប្រក្រតីនោះ។

The radiofrequency ablation system បង្កើនភាពជោគជ័យនៃការចៀរតាមរយៈការប្រើប្រាស់ការបញ្ជូនថាមពលដែលគ្រប់គ្រងតាមសីតុណ្ហភាព និងបំពង់កាតេទែរត្រជាក់ខាងចុង។

ដោយសារតែមន្ទីរពិសោធន៍ការសិក្សារចរន្តអគ្គីសនីបេះដូង ត្រូវបានរចនាឡើងសម្រាប់ដំណើរការជាបន្ទប់ប្រតិបត្តិការវះកាត់ មន្ទីរពិសោធន៍នេះត្រូវបានរម្ងាប់រោគយ៉ាងល្អិតល្អន់។ ប្រព័ន្ធលំហូរខ្យល់ឡាមីនែ ត្រូវបានដាក់ឲ្យប្រើប្រាស់ ហើយតម្រង HEPA ត្រូវបានគេប្រើដើម្បីកម្ចាត់អតិសុខុមប្រាណ។ នៅពេលណាដែលចាំបាច់ ការវះកាត់អាចត្រូវបានអនុវត្តភ្លាមៗនៅក្នុងមន្ទីរពិសោធន៍ការសិក្សារចរន្តអគ្គីសនីបេះដូងនេះ។

ក្រុមអ្នកឯកទេសផ្នែកវេជ្ជសាស្ត្ររបស់យើងនៅក្នុងមន្ទីរពិសោធន៍ការសិក្សារចរន្តអគ្គីសនីបេះដូង ធ្វើការសហការគ្នាយ៉ាងជិតស្និទ្ធ ដើម្បីសម្រេចបានលទ្ធផលព្យាបាលល្អបំផុតសម្រាប់អ្នកជំងឺគ្រប់រូប។ ក្រុមនេះមានអ្នកឯកទេសផ្សេងៗដូចខាងក្រោម ៖

អ្នកឯកទេសផ្នែកការសិក្សារចរន្តអគ្គីសនីបេះដូង
គិលានុបដ្ឋាកដែលអនុវត្តន៍គ្លីនិកផ្នែកការសិក្សារចរន្តអគ្គីសនីបេះដូង
អ្នកបច្ចេកទេសផ្នែកវិទ្យុសាស្ត្រ
អ្នកបច្ចេកទេសផ្នែកវេជ្ជសាស្ត្រនៅក្នុងមន្ទីរពិសោធន៍ការសិក្សារចរន្តអគ្គីសនីបេះដូង

Related conditions

Doctors Related

Related Centers

Related Packages

CALL FOR APPOINTMENT

SEND AN INQUIRY

BOOK APPOINTMENT

Rating score 8.81 of 10, based on 37 vote(s)

Related Packages

Related Health Blogs