• နှလုံးသွေးကြောပိတ်ဆို့ခြင်းကြောင့်ဖြစ်သော နှလုံးဖောက်ပြန်ခြင်းအပါအဝင် နှလုံးရောဂါများ (နှလုံးသွေးကြောကျဉ်းရောဂါ သို့မဟုတ် နှလုံးကြွက်သားပုပ်ခြင်း)၊ ပုံမှန်မဟုတ်သော နှလုံးအဆို့ရှင်များ၊ နှလုံးကြွက်သားဆိုင်ရာရောဂါ (နှလုံးကြွက်သားရောဂါနှင့် နှလုံးကြွက်သားရောင်ခြင်း)၊ သွေးပေါင်ချိန်မြင့်တက်ခြင်း (သွေးတိုးရောဂါ) နှင့် နှလုံးအမြှေးပါးရောင်ခြင်း စသည့်နှလုံးရောဂါများ
• သိုင်းရွိုက်ဂလင်း အလုပ်လုပ်ဆောင်မှုမြင့်တက်ခြင်း (သိုင်းရွိုက်ဟောမုန်းအဆမတန်ထုတ်ခြင်း) နှင့် လေအိတ်ငယ်များပျက်စီခြင်း စသည့်အဆုတ်ရောဂါများ၊ ပိုးဝင်ခြင်းအတွက် ခန္ဓာကိုယ်တုံ့ပြန်မှုလွန်ကဲခြင်း၊ ခွဲစိတ်ပြီးနောက်ဖြစ်ပွားသော နောက်ဆက်တွဲပြဿနာများ၊ ဦးနှောက်အတွင်း သွေးယိုစိမ့်ခြင်းနှင့် လေဖြတ်ခြင်းတို့အပါအဝင် အခြားအခြေအနေများ
• အခြားမသိရှိနိုင်သော အကြောင်းအရာများ

• ပထမဆုံးတွေ့ရှိသော နှလုံးခုန်မူမမှန်ခြင်း၊ မြန်ခြင်း - နှလုံးခုန်မူမမှန်ခြင်း၊ မြန်ခြင်းကို ပထမဆုံးအနေဖြင့် သိရှိရသောအခါ ၎င်းကို ပထမဆုံးတွေ့ရှိသော နှလုံးခုန်မူမမှန်ခြင်း၊ မြန်ခြင်းရောဂါဟုခေါ်သည်။ အကယ်၍ ဖြစ်စဉ်တစ်ခုသာဖြစ်ပွားပါက ၎င်းကို ရုတ်တရက်ဖြစ်သော နှလုံးခုန်မူမမှန်ခြင်း၊ မြန်ခြင်းဟုခေါ်သည်။ ထိုအခြေအနေသည် များသောအားဖြင့် နှလုံးခွဲစိတ်ပြီးနောက်တွင် ဖြစ်ပွားတတ်သည့် နှလုံးစည်းချက်နှင့်ပတ်သက်သော ပြဿနာဖြစ်သည်။ အကယ်၍ ဖြစ်စဉ်တစ်ခုထက်မကဖြစ်ပွားပါက ၎င်းကို ရုတ်တရက် ပြန်ပြန်ဖြစ်တတ်သော နှလုံးခုန်မူမမှန်ခြင်း၊ မြန်ခြင်းဟုသတ်မှတ်ကာ ကုသရန် လိုအပ်လာပါသည်။
• ရုတ်တရက် ပြန်ပြန်ဖြစ်တတ်သော နှလုံးခုန်မူမမှန်ခြင်း၊ မြန်ခြင်း - ဤအခြေအနေတွင် နှလုံးခုန်မူမမှန်ခြင်းသည် ရုတ်တရက်ထဖြစ်ပြီး သူ့အလိုလိုရပ်သွားပါသည်။ လူနာအတော်များများတွင် ထိုကဲ့သို့ဖြစ်ပွားခြင်းသည် ၇ ရက်ခန့်အထိကြာနိုင်သော်လည်း ဖြစ်ပွားမှုသည် ၂၄ နာရီအတွင်း ရပ်သွားနိုင်ပါသည်။
• ထပ်တလဲလဲ နှလုံးခုန်မူမမှန်ခြင်း၊ မြန်ခြင်း - နှလုံးခုန်မူမမှန်ခြင်း၊ မြန်ခြင်းသည် ၇ ရက်မကဖြစ်သည့်အခါ သို့မဟုတ် အလိုအလျောက် မရပ်တန့်သည့်အခြေအနေကို ထပ်တလဲလဲနှလုံးခုန်မူမမှန်ခြင်း၊ မြန်ခြင်းဟု သတ်မှတ်သည်။
• ကြာရှည်ဖြစ်နေသော နှလုံးခုန်မူမမှန်ခြင်း၊ မြန်ခြင်း - အကယ်၍ ဤဖြစ်ရပ်သည် ၁ နှစ်ထက်မကကြာကာ ထိုရောဂါအတွက် ကုသမှုယူပြီး နှလုံးခုန်နှုန်းပုံမှန်အတိုင်း ပြန်လည်ရရှိရန် ဆရာဝန်နှင့်လူနာမှ ဆုံးဖြတ်မည်ဆိုလျှင် ဤအခြေအနေကို ကြာရှည်ဖြစ်နေသော နှလုံးခုန်မူမမှန်ခြင်း၊ မြန်ခြင်းဟု သတ်မှတ်သည်။
• အမြဲတမ်းဖြစ်နေသော နှလုံးခုန်မူမမှန်ခြင်း၊ မြန်ခြင်း - အကယ်၍ ဤဖြစ်ရပ်သည် ၁ နှစ်ထက်မကကြာကာ ဆရာဝန်နှင့်လူနာမှ မကုသတော့ရန်ဆုံးဖြတ်ပါက ဤအခြေအနေကို အမြဲတမ်းဖြစ်နေသော နှလုံးခုန်မူမမှန်ခြင်း၊ မြန်ခြင်းဟုခေါ်သည်။

နှလုံးခုန်မူမမှန်ခြင်း၊ မြန်ခြင်းဖြစ်နေသောလူနာများ၏ ထက်ဝက်ကျော်ခန့်တွင် ထင်ရှားသောလက္ခဏာများမပြသပါ။ နောက်ဆက်တွဲပြဿနာများ (အထူးသဖြင့် ခန္ဓာကိုယ်အစိတ်အပိုင်းတစ်ခုခုတုံ့ဆိုင်းပြီး သွက်ချာပါဒဖြစ်ခြင်း) ဖြစ်ပြီး ဆရာဝန်နှင့်ပြသည့်အချိန်မှသာ ဤနှလုံးခုန်မမှန်သည့်ရောဂါကို တွေ့ရှိတတ်ကြသည်။ လက္ခဏာရှိသောသူများတွင် အောက်ပါတို့ကို တွေ့ကြုံခံစားရတတ်သည်။

• ရင်တုန်ခြင်း၊ ပုံမှန်မဟုတ်သော နှလုံးခုန်နှုန်း
• အသက်ရှုမဝခြင်း၊ အားနည်းခြင်း
• လေ့ကျင့်ခန်းပြုလုပ်စဉ်တွင် အလွယ်တကူမောပန်းခြင်း
• လေ့ကျင့်ခန်း လုပ်ဆောင်နိုင်စွမ်းကျဆင်းခြင်း
• ရင်ဘတ်အောင့်ခြင်း
• ခေါင်းလေး၍မူးမော်ခြင်း
• အသက်ရှုရန်ခက်ခဲခြင်း
• မေ့မျောခြင်း

• နှလုံးခုန်နှုန်းနှင့်စည်းချက်ကိုစစ်ဆေးခြင်း
• အီးစီဂျီရိုက်ခြင်း
• ဓါတ်ခွဲစစ်ဆေးခြင်းများ
  • သွေးအားနည်းခြင်း သို့မဟုတ် ကျောက်ကပ်လုပ်ဆောင်ချက်စစ်ခြင်း
  • သိုက်ရွိုက်လုပ်ဆောင်ချက်စစ်ခြင်း
  • ရင်ခေါင်းဓါတ်မှန်ရိုက်ခြင်း
  • နှလုံးအဲကိုးရိုက်ခြင်း

နှလုံးခုန်မူမမှန်ခြင်း၊ မြန်ခြင်းအတွက် ကုသမှု၏ရည်ရွယ်ချက်များ တွင် အသက်ဆုံးရှုံးမှုနှုန်းနှင့် ဆေးရုံတက်ရသည့်နှုန်းကို လျှော့ချရန်ရည်ရွယ်ချက်ဖြင့် ရောဂါလက္ခဏာများနှင့် နောက်ဆက်တွဲပြဿနာများကို နည်းအောင်ပြုလုပ်ခြင်းတို့ပါဝင်ပါသည်။ ကုသမှုအမျိုးအစားသည် လူနာ၏အသက်အရွယ်၊ ကျန်းမာရေးရာဇဝင်၊ ရောဂါလက္ခဏာများ၊ အခြားကျန်းမာရေးပြဿနာများနှင့် နှလုံးခုန်မူမမှန်ခြင်း၊ မြန်ခြင်းအမျိုးအစားစသည်တို့အပေါ်မူတည်ပါသည်။ ကုသမှုနည်းလမ်းများတွင် အောက်ပါတို့ပါဝင်ပါသည်။

• ဆေးဝါးများဖြင့်ကုသခြင်း
  • နှလုံးခုန်နှုန်းကိုနှေးစေခြင်း (ခုန်နှုန်းကိုထိန်းချုပ်ရန်)
  • စည်းချက်ထိန်းညှိပေးခြင်း
  • သွေးခဲကာ ခန္ဓာကိုယ်အင်္ဂါအစိတ်အပိုင်းများ အထူးသဖြင့် ဦးနှောက်သို့သွားသော သွေးကြောအား ပိတ်စေသည့်အန္တရာယ်ကို လျှော့ချပေးခြင်းတို့အား ဆေးဝါးများဖြင့် ကုသပေးနိုင်ပါသည်။
• လျှပ်စစ်စီးကြောင်းဖြင့် နှလုံးစည်းချက်မှန်စေခြင်း သည် ပုံမှန်နှလုံးစည်းချက်ကို ချက်ခြင်းပြန်လည်ရရှိစေပြီး အရေးပေါ်အခြေအနေများတွင်သာ အသုံးပြုသည်။ ဤကုသနည်းသည် နှလုံးခုန်မမှန်ခြင်းရောဂါ ပြန်လည်ဖြစ်ပွားမှုကို မကာကွယ်နိုင်ပါ။ ပုံမှန်စည်းချက်ရရန်ကို ရေရှည်ဆေးဝါးများဖြင့်သော်လည်းကောင်း၊ စည်းချက်မမှန်ခြင်းကိုဖြစ်စေသည့် နှလုံးတစ်ရှုးအားဖျက်စီးပြစ်ခြင်းဖြင့်သော်လည်းကောင်း ပြုလုပ်မှသာ ပုံမှန်စည်းချက်ကို ထိန်းထားနိုင်မည်ဖြစ်သည်။
• အပူဓါတ် သို့မဟုတ် အအေးဓါတ်ဖြင့် စည်းချက်မမှန်ခြင်းကိုဖြစ်စေသည့် နှလုံးတစ်ရှုးအားဖျက်စီးပြစ်ခြင်း အား နှလုံးခုန်မူမမှန်ခြင်း၊ မြန်ခြင်းဖြစ်ပွားစေသည့် ပုံမှန်မဟုတ်သော အချက်ပြလျှပ်စီးကြောင်းရပ်တန့်ရန် အသုံးပြုသည်။ ဤကုသမှုသည် ပုံမှန်နှလုံးစည်းချက်ကို ချက်ခြင်းပြန်လည်ရရှိစေပြီး အနာဂတ်တွင် နှလုံးခုန်မူမမှန်ခြင်း၊ မြန်ခြင်းပြန်လည်ဖြစ်ပွားမှုကို ကာကွယ်နိုင်ပါသည်။