ဘော်လုံးဖြင့်နှလုံးသွေးကြောချဲ့ခြင်းသည် ပုံမှန်အားဖြင့် ၁ နာရီ မှ ၂ နာရီခန့် ကြာမြင့်ပါသည်။ လူနာသည် ပြုလုပ်နေစဉ် နိုးကြားနေသော်လည်း ထုံဆေးကို အသုံးပြုမည်ဖြစ်ကာ လိုအပ်ပါကလည်း နာကျင်မှုပျောက်ဆေးကို ပေးမည်ဖြစ်သည်။ ဤပြုလုပ်မှုတွင် ဆရာဝန်သည် ပေါင်ခြံ သို့မဟုတ် လက်မောင်းရှိ သွေးလွှတ်ကြောအတွင်းသို့ သေးငယ်သောဘော်လုံးကို ကျဉ်းမြောင်းနေသော နှလုံးပတ်သွေးလွှတ်ကြောနေရာသို့ရောက်အောင် ထည့်သွင်းပါမည်။ ထို့နောက် ဘော်လုံးကိုလေဖြည့်ကာ ကျဉ်းနေသောသွေးလွှတ်ကြောကို ကျယ်စေပါသည်။ အချို့လူနာများတွင် နန်းကြိုးများဖြင့်ပြုလုပ်ထားသော ဇာကွက်ပုံစတန့်ကို ဘော်လုံးနှင့်အတူတကွ လေသွင်းကျယ်စေပြီး သွေးကြောနံရံများကို ပင့်တင်ထားသကဲ့သို့ထောက်ကန်ပေးနိုင်ရန် ထားရှိမည်ဖြစ်ပါသည်။