ដូចគ្នានិងផែនទីដែលជួយឲ្យអ្នកដំណើរតាមសមុទ្រធ្វើគម្រោងទៅកាន់ទិសដៅរបស់ពួកគេ ការធ្វើរោគវិនិច្ឆ័យនិងការណែនាំពីបុគ្គលិកពេទ្យនៅឯមជ្ឈមណ្ឌលមហារីកក្នុងតំបន់ Horizon ជួយអ្នកជំងឺក្នុងការធ្វើដំណើរឆ្ពោះទៅរកសុខភាពល្អឡើងវិញដែរ។ “អ្នកជំងឺទាំងអស់ដែលបានមកដល់ត្រូវបានឈឺថ្កាត់និងក្ដីបារម្ភ។ យើងត្រូវតែធ្វើឲ្យពួកគេមានភាពជឿជាក់និងក្ដីសង្ឃឹមថានឹងបន្ត ដើម្បីប្រយុទ្ធប្រឆាំងជាមួយជំងឺមហារីក។ អ្វីដែលមានតម្លៃបំផុតមួយដែលយើងអាចផ្តល់ជូននោះគឺ ក្រុមគ្រូពេទ្យជំនាញនិងការយកចិត្តទុកដាក់របស់យើង។”  លោកបណ្ឌិត Narongsak Kiatikajornthada, M.D.,ជាគ្រូពេទ្យឯកទេសជំងឺលោហិតនិងដុំពក និងជាសហប្រធាននៃមជ្ឈមណ្ឌលជំងឺមហារីកក្នុងតំបន់ Horizon និយាយពីតួនាទីរបស់បុគ្គលិកពេទ្យ។  ​​

ករណីនីមួយៗ ដែលមានការនិយាយអំពីគ្រូពេទ្យនៃមជ្ឈមណ្ឌលជំងឺមហារីកក្នុងតំបន់ Horizon គឺចាប់ផ្តើមដំណើរការដោយពិគ្រោះយោបល់។ មានការប្រឹក្សាអំពីរោគសញ្ញានិងរោគប្រចាំខ្លួន។ លោកវេជ្ជបណ្ឌិត Narongsak អធិប្បាយថា “នៅពេលមានការបញ្ជូនពីផ្នែកផ្សេងទៀត - ដូចជាសួត ផ្លូវអាហារ ថ្លើម មកកាន់ពួកយើង យើងជាក្រុមវេជ្ជសាស្រ្តនឹងប្រមូលផ្តុំគ្នាដើម្បីពិភាក្សាអំពីលំដាប់នៃការព្យាបាលនិងវិធីសាស្រ្តដែលត្រូវអនុវត្ត។ ប្រភេទមហារីកមួយចំនួនអាចទាមទារការព្យាបាលដោយកាំរស្មីបន្ទាប់ពីការវះកាត់។ ករណីផ្សេងទៀតអាចត្រូវការការព្យាបាលដោយប្រើគីមីមុនឬក្រោយការវះកាត់។”

ធ្វើការជាក្រុមដើម្បីព្យាបាលបុគ្គល

 “ក្នុងនាមជាក្រុមពហុជំនាញ យើងធ្វើការរួមគ្នាដើម្បីទទួលបានលទ្ធផលល្អបំផុតសម្រាប់អ្នកជំងឺ។ មិនថាមហារីកអាចកើតឡើងនៅកន្លែងណាក្នុងរាងកាយក្ដី យើងមានគ្រូពេទ្យវះកាត់ដែលជាអ្នកជំនាញលើឯកទេសពិសេសទាំងនោះ។ អ្នកជំនាញផ្នែកវិទ្យុសកម្មអន្តរកម្មរបស់យើងក៏ជាអ្នកអានកាំរស្មីអ៊ិចដែលមានជំនាញនិងបទពិសោធន៍ខ្ពស់ បញ្ជាក់ពីភាពត្រឹមត្រូវក្នុងការព្យាបាលផងដែរ។” លោកវេជ្ជបណ្ឌិត Narongsak និយាយពីជំនាញដែលគ្របដណ្ដប់លើក្រុមវេជ្ជសាស្រ្ត Horizon ។ ចម្ងាយមិនមានឧបសគ្គសម្រាប់ការព្យាបាលនោះទេ។ ឧទាហរណ៍ ក្នុងករណីដែលត្រូវការបញ្ជូនគំរូទៅបរទេសដើម្បីធ្វើតេស្តការផ្លាស់ប្ដូរកោសិកា យើងមិនឈប់ក្នុងការទទួលលទ្ធផលការធ្វើតេស្តនេះទេ ប៉ុន្តែយើងក៏រៀបចំឲ្យអ្នកជំនាញនៅក្រៅប្រទេសចូលរួមក្នុងការពិភាក្សាអំពីការធ្វើរោគវិនិច្ឆ័យនិងការធ្វើផែនការព្យាបាលតាមរយៈការប្រជុំពីចម្ងាយដែរ។ យើងធ្វើបែបនេះជាប្រចាំដែលវាហាក់ដូចជាប្រឆាំងនឹងវិចារណញាណ ប៉ុន្តែដោយធ្វើរឿងដែលចាំបាច់ត្រូវធ្វើដើម្បីបង្ហាញនូវការព្យាបាលជំងឺមហារីកផ្ទាល់ខ្លួន យើងពិតជាអាចសន្សំសំចៃលើថ្លៃព្យាបាលដែលមិនចាំបាច់បានពិតជាក់ស្ដែង។”

លើសពីការព្យាបាលនៅមជ្ឈមណ្ឌលមហារីកក្នុងតំបន់ Horizon

លោកវេជ្ជបណ្ឌិត Narongsak ពន្យល់ពីភាពលេចធ្លោរបស់មជ្ឈមណ្ឌលជំងឺមហារីកក្នុងតំបន់ Horizon ថា “ឧបករណ៍វេជ្ជសាស្រ្តដ៏ទំនើបបំផុតអាចត្រូវរកទិញបាននៅលើទីផ្សារបើកចំហ។ យើងបំពាក់ឧបករណ៍គ្រប់គ្រាន់លើផ្នែកនោះ។ ប៉ុន្តែអ្វីដែលពិបាកជាងការប្រមូលផ្តុំរួបរួមឧបករណ៍ឈុតថ្លៃៗ នោះគឺបុគ្គលិកពេទ្យជំនាញនិងបទពិសោធន៍ខ្ពស់របស់យើងដែលបំពេញបន្ថែមឲ្យគ្នាទៅវិញទៅមកជាក្រុម។ អ្នកជំងឺរបស់យើងម្នាក់ៗ ត្រូវបានមើលថែដោយក្រុមដែលមានលេខចាប់ពី 10 ឡើងទៅ។ ”

លោកវេជ្ជបណ្ឌិត Narongsak បង្ហើបពីសារៈសំខាន់នៃការរក្សាកម្លាំងចិត្តរបស់អ្នកជំងឺ “កម្លាំងចិត្តអ្នកជំងឺមានសារៈសំខាន់ខ្លាំងណាស់ចំពោះភាពជោគជ័យនៃការព្យាបាល។ អ្នកជំងឺតែងតែត្រូវបានជូនដំណឹងអំពីការធ្វើរោគវិនិច្ឆ័យ លទ្ធផលការធ្វើតេស្ត និងឱកាសនៃការជាសះស្បើយដោយគ្រូពេទ្យផ្ទាល់របស់ពួកគេនៅមជ្ឈមណ្ឌលជំងឺមហារីកក្នុងតំបន់ Horizon។ ប៉ុន្តែពេលខ្លះ អ្នកជំងឺមិនមានលក្ខខណ្ឌក្នុងការទទួលព័ត៌មាននេះទេ ដូច្នេះ ក្នុងឧទាហរណ៍នេះយើងនឹងជូនដំណឹងដល់ក្រុមគ្រួសាររបស់ពួកគេជំនួសវិញ។ រួមគ្នាជាមួយ ជំនួយពីសមាជិកគ្រួសាររបស់ពួកគេ យើងនឹងព្យាយាមបញ្ជូនព័ត៌មាននេះទៅកាន់អ្នកជំងឺខណៈពេលដែលរក្សាកម្លាំងចិត្តរបស់ពួកគេ។ ”
 
 “អ្នកជំងឺមកពីបូព៌ាប្រទេសមានទំនោរលំបាកបំផុតក្នុងការទទួលយកផែនការធ្វើរោគវិនិច្ឆ័យនិងព្យាបាល។ ពេលខ្លះយើងត្រូវរកវិធីប្រយោលនៃការបំបែកព័ត៌មានដល់ពួកគេ។ ក្នុងករណីដែលអ្នកជំងឺបានមករកយើងដោយជំងឺមហារីករួចហើយនៅដំណាក់កាលរាលដាលនោះ ជាញឹកញាប់អ្នកជំងឺជមិនចង់ដឹងពីពេលវេលារបស់ពួកគេដែលនៅសល់ទេ។ អ្នកជំងឺមកពីបណ្តាប្រទេសលោកខាងលិចមានទំនោរទទួលយកការពិតដែលបើកចំហច្រើនឡើង ហើយពិតជានឹងបាត់បង់នូវទំនុកចិត្តលើការព្យាបាលរបស់យើងប្រសិនបើយើងព្យាយាមលាក់បាំងឬលាក់បាំងការពិត។”
 
លោកវេជ្ជបណ្ឌិត Narongsak ក៏បានបង្ហាញនូវកង្វល់អំពីវិធីព្យាបាលដោយឱសថបូរាណនិងវិធីដែលប៉ះពាល់ដល់ការព្យាបាលជំងឺមហារីក ដោយសារតែអ្នកជំងឺខ្លះរើសយកថ្នាំរុក្ខជាតិបន្ថែមពីលើថ្នាំដែលបានកំណត់ជូនជាញឹកញាប់ដោយគ្រូពេទ្យមិនបានដឹងជាមុន។ “ឱសថបុរាណខ្លះមិនមានភស្តុតាងវិទ្យាសាស្ត្រច្បាស់លាស់ថាអាចព្យាបាលជំងឺមហារីកឲ្យជាបាននោះទេ។ ពេលខ្លះអ្នកជំងឺថែមទាំងយកឱសថនោះទុកដោយសម្ងាត់ ដែលពិតជាអាចធ្វើឲ្យស្ថានភាពរបស់ពួកគេកាន់តែអាក្រក់ទៅ ៗ ។ ថ្នាំដែលយើងចេញវេជ្ជបញ្ជានោះត្រូវបានគាំទ្រដោយការស្រាវជ្រាវវិទ្យាសាស្ត្រច្បាស់លាស់ ដូច្នេះហើយ ខ្ញុំសូមណែនាំឲ្យអ្នកជំងឺរបស់យើងប្រកាន់ខ្ជាប់ប្រើប្រាស់ថ្នាំដែលយើងចេញវេជ្ជបញ្ជាជូននោះ។ ”

ត្រៀមខ្លួនសម្រាប់ជំងឺមហារីកដ៏កម្រ

 “ប្រភេទមហារីកដែលពិបាកព្យាបាលបំផុត យើងហៅថា“ មហារីកកម្រ”។ ជំងឺមហារីកប្រភេទនេះជួនកាលត្រូវបានរកឃើញនៅក្នុងអ្នកជំងឺម្នាក់ក្នុងចំណោមអ្នកជំងឺ 1 លាននាក់។ ពួកវាអាចកើតឡើងនៅផ្នែកណាមួយនៃរាងកាយ ហើយតែងតែមិនមានការស្រាវជ្រាវឬមាត្រដ្ឋានការព្យាបាលពីមុនដើម្បីឲ្យយើងដំណើរការទៅបានទេ។ នៅពេលដែលយើងជួបប្រទះជំងឺមហារីកកម្រទាំងនេះ យើងនៅតែអាចផ្តល់ការព្យាបាលបាន ពីព្រោះយើងមានក្រុមស្រាវជ្រាវផ្ទាល់របស់យើងឆ្លងកាត់ការស្រាវជ្រាវវិទ្យាសាស្ត្រនិងវណ្ណកម្មទាំងអស់ដែលអាចទាក់ទងគ្នា រួមជាមួយក្រុមគ្រូពេទ្យដែលមានបទពិសោធន៍និងមានជំនាញគ្រប់គ្រាន់ដើម្បីប៉ាន់ស្មាននិងសម្រួលឲ្យត្រូវនិងការព្យាបាលដែលទទួលបានជោគជ័យ។
           
លោកវេជ្ជបណ្ឌិត Narongsak ទុកចិត្តថា “អ្នកជំងឺមហារីកទាំងអស់ដែលមកមជ្ឈមណ្ឌលព្យាបាលជំងឺមហារីកក្នុងតំបន់ Horizon បានឆ្លងកាត់ការឈឺចាប់និងការលំបាកគ្រាំគ្រាមកគ្រប់គ្រាន់។ យើងចង់ក្លាយជាក្តីសង្ឃឹមដែលជាផ្ទាំងសិលាសម្រាប់ពួកគេក្នុងការប្រកាន់យក។ យើងសូមផ្តល់នូវការយកចិត្តទុកដាក់ខ្ពស់បំផុតដែលអាចធ្វើទៅបានដើម្បីឲ្យពួកគេត្រឡប់ទៅរកជីវិតដែលមានគុណភាពល្អ។ ដើម្បីព្យាបាលពួកគេហើយធ្វើឲ្យពួកគេទៅរកជីវិតដែលពួកគេអាចសប្បាយរីករាយបាននោះ គឺជាបំណងប្រាថ្នាដ៏ពិតប្រាកដរបស់យើង។ ”