សព្វថ្ងៃនេះ មានវីធីសាស្ត្រធំៗ២យ៉ាង ដើម្បីធ្វើរោគវិនិច្ឆ័យចំពោះជំងឺសរសៃឈាមបេះដូង។
 
១. ការថតសរសៃឈាមបេះដូង (Coronary Angiography) គឺជាស្តង់ដារមាសសម្រាប់កំណត់អត្តសញ្ញាណសរសៃឈាមអាកទែរបេះដូងដែលរាំងស្ទះ។ វិធីសាស្ត្រនេះផ្តល់លទ្ធផលត្រឹមត្រូវបំផុត។

 

គុណសម្បត្តិ៖ 

• ការព្យាបាលត្រឹមត្រូវអាចត្រូវបានអនុវត្តភ្លាមៗដោយស៊កបញ្ចូលបាល់លូនទៅពង្រីកសសៃបេះដូង ឬការធ្វើអន្តគមន៍ពង្រីកសរសៃឈាមបេះដូងតាមរយៈការចាក់សសៃឈាមក្រោមស្បែក (Percutaneous Coronary Intervention) ។

គុណវិបត្តិ៖ 

• វាបង្កឲ្យមានកត្តាប្រឈមខ្លះសម្រាប់ផលវិបាក ឧទាហរណ៍ ការដាច់សសៃឈាម ដោយសារការចាក់កាតេទែចូលទៅក្នុងសរសៃឈាមក្រហមចាប់ពីក្រលាន ឬដៃ​ ឬកដៃរបស់អ្នកជំងឺដោយប្រុងប្រយ័ត្នចាក់សំដៅទៅរកសសៃឈាមបេះដូង។ តែទោះជាយ៉ាងណា កត្តាប្រឈមបែបនេះមានតិចតួចណាស់ដែលបានទទួលការព្យាបាលដ៍ជំនាញពីវេជ្ជបណ្ឌិតដែលមានសមត្ថភាពខ្ពស់។  
• វាមានតម្លៃថ្លៃ។​
• អ្នកជំងឺត្រូវការសម្រាកពេទ្យពី​៤ទៅ២៤ម៉ោងបន្ទាប់ពីធ្វើទម្រង់ការហើយ។

 

២. ការថតស្កែនសរសៃឈាមបេះដូង (Coronary CTA)

បច្ចេកវិទ្យាដោយការស្កែនត្រូវបានវិវត្តយ៉ាងឆាប់រហ័សក្នុងរយៈពេលប៉ុន្មានឆ្នាំកន្លងមកនេះ។ ឥឡូវនេះវាផ្តល់នូវរូបភាពកម្រិតខ្ពស់ និងមានកម្រិតពណ៌ច្បាស់ចំពោះសរីរាង្គតូចៗនិងសរីរាង្គដែលមានចលនាលោតមានដូចជាបេះដូង។
អ្នកជំងឺដែលពិនិត្យការថតស្កែនសរសៃឈាមបេះដូងបានទទួលថ្នាំពណ៌ដែលជាអ៊ីយ៉ូតដែលជាសូលុស្យុងចាក់តាមសរសៃឈាមដើម្បីធានាឲ្យទទួលបានរូបភាពល្អបំផុត។
ជាធម្មតា ក្នុងអំឡុងពេលនៃការពិនិត្យនេះត្រូវចំណាយពេលប្រហែល១០នាទី ដើម្បីឲ្យកាំរស្មីអ៊ិចបានឆ្លងកាត់រាងកាយ និងត្រូវបានចាប់យកដោយឧបករណ៍រាវរកពិសេសនៅក្នុងម៉ាស៊ីនស្កែន។


 

  

គុណសម្បត្តិ៖ 

• ទម្រង់ការដែលប្រើម៉ាស៊ីនស្កែនដែលអាចរករូបភាពច្រើនកន្លែង MDCT (Multi-Detector Computerized Tomography) អាចត្រូវបានអនុវត្តក្នុងរយៈពេលខ្លី។
• អ្នកជំងឺមិនតម្រូវឲ្យសម្រាកពេទ្យទេបន្ទាប់ពីធ្វើទម្រង់ការហើយ។
• វាបានផ្តល់នូវលទ្ធផលត្រឹមត្រូវជាក់លាក់កម្រិតខ្ពស់ជាង៩០% ក្នុងការរកឃើញជំងឺសរសៃឈាមបេះដូង។

គុណវិបត្តិ៖ 

• វាត្រូវការចំណាយពេលប្រហែល ១-២ ម៉ោងសម្រាប់ដំណើររូបភាពបន្ទាប់ពីស្កែនជាក់ស្តែង។
• អ្នកជម្ងឺត្រូវតែមានចង្វាក់បេះដូងជាទៀងទាត់ ហើយអាចទប់ដង្ហើមប្រមាណ ១០ វិនាទីសម្រាប់ការស្កែនម្តងៗជាមួយនឹងម៉ាស៊ីនស្កេនជំនាន់ថ្មី។ តម្រូវការទាំងនេះមិនចាំបាច់ទេ។

អ្នកជំងឺដែលគួរធ្វើ MDCT មាន៖
 
១. អ្នកជំងឺដែលមានកត្តាប្រឈមជាមួយជំងឺបេះដូងដូចតទៅនេះ

• លើសជាតិខ្លាញ់នៅក្នុងឈាម
• ជំងឺទឹកនោមផ្អែម
• ជំងឺលើសសម្ពាធឈាម
• អ្នកជក់បារីច្រើន
• អ្នកដែលមានប្រវត្តិក្រុមគ្រួសារមានជំងឺសរសៃឈាមបេះដូង

២. អ្នកជំងឺដែលសង្ស័យថាមានជំងឺបេះដូង

• មានឈឺទ្រូង
• ការវាស់ចង្វាក់បេះដូង(ECG)  ឬការធ្វើតេស្តដើរលើខ្សៃពាន(EST) ដែលមិនអាចរកឃើញយ៉ាងជាក់ច្បាស់នូវភាពមិនធម្មតា។

៣. អ្នកជំងឺដែលត្រូវបានកំពុងព្យាបាលជំងឺសរសៃឈាមបេះដូងដោយការវះកាត់ដាក់បាល់លូន (PTCA) ឬការធ្វើអន្តគមន៍ពង្រីកសរសៃឈាមបេះដូងតាមរយៈការចាក់សសៃឈាមក្រោមស្បែក(PCI) ឬការវះកាត់តសរសៃឈាមបេះដូង និងត្រូវការជួបពិគ្រោះសម្រាប់ការព្យាបាលបន្ថែមទៀត។

ការរៀបចំគឺស្រដៀងគ្នាទៅនឹងការធ្វើ CT ស្កែននៃផ្នែកផ្សេងទៀតនៃរាងកាយដែរ។ អ្នកេជំងឺមិនគួរញាំអ្វីទាំងអស់ដោយយ៉ាងហោចណាស់៤ម៉ោងមុនពេលពិនិត្យ ដោយលើកលែងតែការញាំទឹកតែប៉ុណ្ណោះ។ តែទោះយ៉ាងណាក៏ដោយ នៅមុនពេលធ្វើទម្រង់ការ អ្នកជំងឺមិនគួរពិសារទឹកតែ កាហ្វេ និងភេសជ្ជៈដ៏ទៃទៀត ឬលេបថ្នាំដើម្បីជំរុញចង្វាក់បេះដូងឡើយ។  

នៅពេលដែលអ្នកជំងឺត្រូវបានដាក់ឲ្យប៉ះពាល់ទៅនឹងកាំរស្មីអ៊ិចអំឡុងពេលពិនិត្យ​នោះ អ្នកដែលមានផ្ទៃពោះឬ សង្ស័យថាថាមានផ្ទៃពោះគឺមិនគួរឲ្យទទួលការពិនិត្យតាមវីធីនេះទេ។
ការចាក់ថ្នាំព៌ណចូលក្នុងសរសៃឈាមវ៉ែនគឺត្រូវធ្វើសម្រាប់ការពិនិត្យដោយ MDCT។​  ដូច្នេះ អ្នកជំងឺដែលមានជំងឺ ឬមានរោគសញ្ញាដូចខាងក្រោមមិនត្រូវបានណែនាំឲ្យធ្វើតេស្តនេះទេ ដោយសារពួកគេអាចមានប្រតិកម្មយ៉ាងធ្ងន់ធ្ងរជាមួយថ្នាំព៌ណ ឬធ្វើអោយខ្សោយតំរងនោមស្រួចស្រាល់។
១. ជំងឺហឺតធ្ងន់ធ្ងរ
២. មានជំងឺតំរងនោមដែលមានក្រអាទីនីនឡើងខ្ពស់​ ឬខ្សោយតំរងនោមរ៉ាំរ៉ៃ
៣. មានប្រវត្តិមានប្រតិកម្មជាមួយអាហារសមុទ្រ ឬ ថ្នាំព៌ណពីការពិនិត្យដោយកាំរស្មីអ៊ិច
តែទោះជាយ៉ាងណាក៏ដោយ បើសិនអ្នកជំងឺដែលមានជំងឺឬមានប្រវត្តិជំងឺដូចខាងលើ​​ដែលត្រូវការព្យាបាលដោយវីធីសាស្ត្រនេះ អ្នកជំងឺតម្រូវឲ្យមានការផ្តល់ព័ត៌មានទៅបុគ្គលិកពេទ្យជា  មុន។  

១. ផលប៉ះពាល់ពីថ្នាំព៌ណអាចកើតមានឡើងចំពោះអ្នកជំងឺមួយចំនួនដូចជា កន្ទួល មានចំនុចផ្តូចៗនៅលើស្បែក ហើមឬរោគសញ្ញាផ្លូវ ដង្ហើម។ ទោះជាយ៉ាងណា ឱកាសកើតមានរោគសញ្ញាទាំងនោះកើតមានតិចតួចណាស់។

២. បរិមាណនៃវិត្យុសកម្ម៖ បរិមាណត្រឹមត្រូវនិងមានសុវត្ថិភាពបំផុតរបស់វិទ្យុសកម្មកាំរស្មីអ៊ិចត្រូវបានប្រើបា្រស់ដោយប្រុងប្រយ័ត្នចំពោះអ្នកជំងឺម្នាក់ៗ។ បរិមាណដែលបានមកពីការពិនិត្យនេះគឺស្ថិតនៅចន្លោះពី ៦-១៣ mSv គឺស្រដៀងទៅនឹងបរិមាណកាំរស្មីធម្មជាតិដែលយើងប្រឈមជាមួយក្នុងរយ:ពេលជាង២ឬ៣ឆ្នាំ។

១. សូមផឹកទឹកឱ្យបានច្រើនដើម្បីឲ្យថ្នាំព៌ណបានយកចញពីរាងកាយតាមរយៈទឹកនោម។
២. អ្នកជំងឺអាចមានប្រតិកម្មដូចជា ស្នាមកន្ទួល  ឬមានចំនុចផ្តូចៗនៅលើស្បែកអាចកើតមានឡើងបន្ទាប់ពីការចាក់ថ្នាំព៌ណ។ ទោះជាយ៉ាងណាឱកាស កើតមានរោគសញ្ញាទាំងនោះកើតមានតិចតួចណាស់។ បើសិនរោគសញ្ញាទាំងនោះកើតមាន ត្រូវទៅជួបវេជ្ជបណ្ឌិតជាបន្ទាន់។